Хурдан морины медалын стандартанд санал хүлээн авч байна.

МОНГОЛЫН ҮНДЭСНИЙ МОРИН УРАЛДААН, УЯАЧДЫН ХОЛБОО

        Үндэсний холбоонд уяачдаас ирүүлсэн санал, хүсэлтийн дагуу хурдан морины медальны стандарт боловсруулах, батлуулахаар ажиллаж байна. 

Сүүлийн жилүүдэд хурдан морины медаль тогтсон стандарт, хэмжээ, Хурдан морины уралдааны чанар, үзүүлэлтэд тулгуурлахгүй, одон медаль хийдэг, эсхүл эрээний захын медаль, биеийн тамир спортын төрлийн уралдаан тэмцээнд хүнд өгдөг медаль олгох зэргээр хурдан морины медалины үнэ цэнэ улам бүр унасаар байна. 

    Ялангуяа айрагдаж, түрүүлсэн моринд медаль олгохдоо хүний хүзүүнд зүүдэг оосортой өгдөг зэрэг нь төдийлөн зохимжтой бус байдаг. 

    Иймд Үндэсний холбооны зүгээс боловсруулж, батлуулах медальны стандарт дээр нийт уяачдаас санал авахаар шийдэрлэлээ. Уяачид саналаа дараах байдлаар ирүүлэхийг хүсье. Үүнд: 

     1. Медалтны зэрэглэл тогтоох буюу наадмын зэрэглэлээс хамаарч өөр өөр байх эсэх, /улс, бүс, аймаг, сум, орон нутгийн жижиг наадмууд, овоо тахилга зэрэг ангилах /

         2. Наадмын зэрэглэлээс хамаарч хэлбэр дүрсээр ялгагдах эсэх, хэмжээгээр ялгагдах эсэх 

         3. Хурдан морины медалийг олгохдоо заавал дэвсгэртэй олгох эсэх, дэвсгэрийн өнгө, хэлбэр дүрсээр ялгагдах эсэх 

          4. Бусад саналаа чөлөөтэй илэрхийлэх 

Санал хүлээн авах хаяг: 

1. Фээсбүүк хуудас "Монголын Үндэсний Морин Уралдаан, Уяачдын Холбоо"-ний мэссэжээр

2. Mongolnaadam.mn пэйжийн мессэжээр 

3. info@mongolnaadam.mn email хаягаар хүлээн авч байна.